Wq/tn/Lepacious Bose
Bose Ogunboye (o tshotswe ka kgwedi ya Moranang e le lesome le bosupa , ngwaga wa sekete makgolo a robabongwe,masome a supa le metso e merataro ( 1976) o itsege jaaka Lepacious Bose ke motshameki wa metlae wa kwa Nigeria le motshameki wa kwa Nollywood. Ka ngwaga wa dikete tse pedi,lesome le metso e mene (2014) o ne a gapa seetsele sa Golden Icons Academy Movie Awards for Best Comedic Act category award mo filiming ya " Being Mrs Elliot " ka ngwaga wa dikete tse pedi, lesome le metso e mene, a fenya batshameki ba bangwe ba le baratro.
Dikinolo
[edit | edit source]- Ga go kgonege gore o fokotse mmele mme o bo o sa ikutlwe o itshepa. Ruri o tla ikutlwa o itumetse e bile o na le botsogo jo bo botoka. O tla ikutlwa o le montle, batho ba tla go akgola, ba bua dilo tse di molemo ka wena. Ruri o tla ikutlwa o itshepa thata. Dilo tseno tsotlhe di dira mmogo. Ga se saense ya rokete, fa boima jwa mmele bo setse bo simolotse go fokotsega o tla bona kafa batho ba tla tsibogang ka teng. Boammaaruri jwa gore o ka kgona go bereka mo lebenkeleng o bo o bona bogolo jwa gago koo bo a gakgamatsa. Ga o a tshwanela go reka se o se bonang mme o tshwanetse go reka se o se ratang, tsotlhe di tla go thusa gore o itshepe. Fa o itshepa thata, o tla ithata le go feta.
- Ke akanya gore selo sa botlhokwa thata se ke se ithutileng ke go rata motho yo o leng ene mo teng. Fa ke akanya ka se se ntiragaletseng mo dingwageng tseno tse pedi le dikgwetlho tse ke ileng ka lebana le tsone, ke ile ka lemoga botlhokwa jwa go nna montle go tswa mo teng. Fa o itumetse ka botlalo ka wena ka bowena, o itumetse le motho yo o nang le ene go sa kgathalesege maemo a o leng mo go one, fa o simolola go ela tlhoko bontle jo bo mo teng ga gago.
- Go bua boammaaruri fela, ke ne ka lela. Go fitlha ke lemoga gore tsela e batho ba akanyang ka yone ga e a tshwanela go mpontsha gore ke motho yo o ntseng jang.
- Fa o ntse o bua dilo tse di sa siamang, le wena o tla bua dilo tse di sa siamang.